ديك الصراحة كلمات الشاعر الزجال محمد الادريسي

السلام عليكم ....اصدقائي واحبابي

جات على بالي.... ديك الصراحة

ما جنينا منك راحة ،

ولا جنينا غلة لغراس

قضيتي غرضك والمصلحة

خليتي لينا وجاع الرأس 

 جرحتي بلسان الفضاحة

،وزايدنا بكلام الناس،

لو كان جيتي فالصراحة 

، ماكان وقع بينا بأس، 

خليك من الرآس النطاحة

، لي حاملة غل وسواس

، الصراحة كلمة وظاحة،

 تبني ما تهدم ساس 

، للطريق منورة مصباحة،

  تفيق من عمق النعاس

 ، للحق ناصرة لواحة 

، عالية تاج فوق الرآس

، الصراحة فاكهة تفاحة

. تحلي لي لسانه غلاس  

 ، وتسكت الافواه النواحة 

، لي كلامهم كي قرطاس

26. 10 2020. 

                      محمد الادريسي